തൊടുപുഴ സോക്കർ സ്കൂൾ ഗ്രൗണ്ടിൽ വച്ച് നടന്ന 3-മത് ഐ.ഐ.സി.എം ഇടുക്കി കപ്പ് ഫുട്ബോൾ ടൂർണ്ണമെൻ്റിൽ കോതമംഗലം മാർ ബേസിൽ സ്കൂൾ ജേതാക്കളായി. മൂവാറ്റുപുഴ തർബിയത് സ്കൂളും കോതമംഗലം മാർ ബേസിൽ സ്കൂളും തമ്മിലായിരുന്നു ഫൈനൽ മത്സരത്തിൽ ഏറ്റുമുട്ടിയത്. എതിരില്ലാത്ത 2 ഗോളുകൾക്കാണ് കോതമംഗലം മാർ ബേസിൽ സ്കൂൾ വിജയിച്ചത്. സോക്കർ സ്കൂൾ ഡയറക്ടർ പി.എ സലീം കുട്ടി അദ്ധ്യക്ഷനായ ചടങ്ങിൽ ഇടുക്കി എം പി ഡീൻ കുര്യാക്കോസ് തൊടുപുഴ സബ് ഇൻസ്പെക്ടർ ബിജു വി.കെ., അമൽ വി.ആർ, അനന്തു ജോസഫ്, സനീഷ് ബാബു, അജിത്ത് മനോജ് എന്നിവർ പങ്കെടുത്തു. മത്സരത്തിലെ ബെസ്റ്റ് പ്ലെയറായി മാർ ബേസിൽ സ്കൂളിലെ മുഹമ്മദ് ഫർഹാനയും ബെസ്റ്റ് ഗോൾ കീപ്പറായി മാർ ബേസിൽ സ്കൂളിലെ അഭിനവ് ഷാജിയെയും ടോപ്പ് സ്കോററായി സെൻറ് ജോർജ് മുതലക്കുടം സ്കൂളിലെ ഫിറോസ് അബ്ദുൽ റഹ്മാനെയും തിരഞ്ഞെടുത്തു. മത്സരത്തിൽ ഒന്നാം സ്ഥാനത്ത് എത്തിയ മാർ ബേസിൽ സ്കൂളിന് ട്രോഫിയും പതിനായിരം രൂപ ക്യാഷ് പ്രൈസും രണ്ടാം സ്ഥാനം നേടിയ തർബിയത്ത് സ്കൂളിന് ട്രോഫിയും 5000 രൂപയുടെ ക്യാഷ് പ്രൈസും നൽകി. ഇടുക്കി കപ്പിൽ പങ്കെടുത്ത 25 ടീമുകൾക്കും ഒരോ ഫുട്ബോൾ വീതം നൽകി.